Chand alfaaz..

Isko khwaab kahu ya phir mere andar ki wo duniya jaha cheezeinf aisi hoti hai ki mujhe jeene ki ek aur wajah har ghadi nayi dilchasp aur pyaari milti hai..

tere paas rehne ka ehsaas, teri baahon me guzarte wo lamhe jaha duniya tham si jati hai, tere narm hothon pe jab mere labz aake rukte ahi to lagta hai ki duniya me meri jeene ki wajah mjhe chhoo kar guzar rahi hai, teri aankhon me jab jhankti hu to ek nayi duniya me pahoch jati hu jaha mujh hi se sab kuch hai aur mujh hi pe sab khatma hota hai, tera chehra aaina hai tere mann ka aur wo leka jata hai mujhe unn gehraiyon me jaha anant tak thehraav aur shanti hai aur dher saara pyaar..

tujhe apni duniya me paa kar aisa laga ki jeevan me 'pyaar' ka matlab jo kho chuka tha wo jaag gaya hai. ek nayi rooh ne janam liya jo wapis usi mod pe jaa k shuruat karna chahti hai, ehsaas karna chahti hai phir se wo jo maayus ho k ek kone me chhipa k rakh diya tha..

tune mujhe chhua to aise ki ek hi pal laga mujhe tera banne me, tera wo chehra jab bhi sochti hu to lagta hai ki aise hi dekhti reh jau aur maut bhi isi waqt aye jab me tere haatho me hou..

pyaar ka naya ye andaaz kuch aisa hai ki apne aap ko pyaar karne to jee chahta hai, ekbaar phir se jee karta hai ki naach lu jab tak pairo tale khoon na aa jaye aur jhoom loo jab tak tu aa ke samet na le mujhe apni baahon me...